सूर गवसू दे रे, सूर गवसू दे|
जगण्याचे ग्रहण सुटू दे रे,ग्रहण सुटू दे||
शहारली गाव, वस्ती,
एका श्वासासाठी वणवणती,
असा जीवाचा कालवा,
कुठे हरवला तू देवा?
कवडसा दिसू दे रे , सूर गवसू दे|
जगण्याचे ग्रहण सुटू दे रे,ग्रहण सुटू दे||
युद्ध तुंबळ सफेदपोश भरल्या डोळ्यांनी लढतो,
पार्थिवाचा खच स्मशानात जळतो,
कुण्या जातीचा तू,
कुण्या धर्माचा तू,
मानवता शेवटचा श्वास रे, सूर गवसू दे|
जगण्याचे ग्रहण सुटू दे रे, ग्रहण सुटू दे||
सगासोयरा कुठे हरवला?
कुडीला आपलाच खांदा राहिला,
गर्व तीळ तीळ झाला,
कणा असा कसा मोडला,
पूर ओसरु दे रे, सूर गवसू दे|
जगण्याचे ग्रहण सुटू दे रे, ग्रहण सुटू दे||
आशेच्या खोल सागरात,
जिंदगीची हालचाल सिंपल्यात,
मैत्रीचा संदेश फव्वारे हर्षाचे,
उद्दात स्वप्न चांदण्याचे,
दबक्या आवाजात श्वास भरू दे रे, सूर गवसू दे|
जगण्याचे ग्रहण सुटू दे रे, ग्रहण सुटू दे||
Manaswi 